Информации за Школата за докторски студии
Преку Школата за докторски студии Универзитетот „Гоце Делчев“ организира и спроведува високообразовна дејност од трет циклус, односно, докторски студии. Кандидатите што ја посетуваат Школата и студиите од трет циклус, се подготвуваат за самостојна научно-истражувачка работа. По завршувањето на студиите тие се стекнуваат со највисок степен на образование и со звањето доктор на науки. Студиските програми на докторските студии се акредитирани и целосно усогласени со Болоњската декларација.
Студиските програми од трет циклус се распределени во три пошироки научно-истражувачки подрачја распределени во три кампуси, и тоа:
- Кампус 2 за техничко-технолошки науки, биотехнички науки и природно-математички науки
- Кампус 3 за медицински науки и
- Кампус 4 за општествени и хуманистички науки
Наставно-научни совети
Со цел реализирање на студиските програми од трет циклус, на ниво на Кампус, на Универзитетот се формираат и посебни наставно-научни совети на докторските студии.
Овие совети се составени од професори кои се акредитирани за ментори на докторски студии, а припаѓаат на научно-истражувачкото подрачје за кое е формиран кампусот.
Со секој совет раководи Претседател, кој доаѓа од редот на членовите на Советот. Претседателот има мандат од 2 години, а неговиот избор го прави Ректорот врз основа на предлог на наставно-научниот совет на докторски студии на соодветниот кампус.
Наставно-научниот совет на докторските студии на ниво на кампус ги има следниве надлежности:
- донесува одлуки за запишување на трет циклус на студии – докторски студии;
- изготвува предлог-конкурс за запишување на студенти на трет циклус – докторски студии;
- ги определува дополнителните услови за запишување на докторските студии;
- формира комисија за подобност на темата, тезите и кандидатот;
определува интерен и екстерен ментор; - формира комисија за оценка и одбрана на докторската дисертација;
- го разгледува извештајот на интерниот ментор за напредокот на докторскиот труд;
- го разгледува извештајот за конечната верзија на докторскиот труд на интерниот ментор;
- го усвојува извештајот за оценка на докторскиот труд и ја закажува јавната одбрана;
- донесува одлуки за прифаќање на студиските програми на третиот циклус студии;
- го утврдува нацрт-конкурсот за упис на студенти на докторски студии;
- го утврдува предлог-бројот на студенти и износот на школарината за докторските студии и го доставува до Ректорската управа на Универзитетот;
- дава предлози за организирање на заеднички докторски (интердисциплинарни) студии на ниво на Универзитет.
На ниво на УГД во моментот функционираат следниве наставно-научни совети за докторски студии:
- Наставно-научен совет на докторските студии на ниво на Кампус 2 со Претседател проф. д-р Винета Сребренкоска
- Наставно-научен совет на докторските студии на ниво на Кампус 3 со Претседател проф. д-р Невенка Величкова и
- Наставно-научен совет на докторските студии на ниво на Кампус 4 со Претседател проф. д-р Цане Котески.
Корисни документи
- Правилник за запишување и студирање на трет циклус – докторски студии
- Трошоци за студирање
- Работно упатство за изработка на трудови од студентите на УГД
- Правилник за ЕКТС
- Барање за проверка на студентско досие
- Изјава за задолжителни предмети за трет циклус студии
- Барање за формирање на комисија за оценка и одбрана на докторски труд
- Завршен извештај од интерниот ментор
- Мислење од екстерниот ментор
- Барање од студенти
- Изјава од ментор
- Процедура за јавна одбрана на магистерски/специјалистички/докторски труд
- Процедура за постапката за оцена и одбрана на докторски труд и/или изведба на уметничко дело
- Пријава за учество на докторски семинар
- Пријава за тема на магистерски/стручен труд
Контакти од Школата за докторски студии
Административна поддршка за докторските студии во рамките на Школата за докторски студии кандидатите можат да добијат од вработените:
М-р Светлана Попова
Тел. 032-550-024
Моб. 076-462-748
E-mail: svetlana.popova@ugd.edu.mk
Слаѓана Димишков
Тел. 032-550-032
E-mail: sladzana.dimiskov@ugd.edu.mk
Сашка Атанасова
Тел. 032-550-032
E-mail: saska.atanasova@ugd.edu.mk
Соопштенија
Се известуваат заинтересираните студенти на трет циклус студии запишани на студиските програми од подрачјето на медицински науки и здравство дека ќе се одржат докторски семинари со физичко присуство.
Се закажува јавна одбрана на докторската дисертација со наслов „Анализа на нивото на персонална изложеност на бучава во погон за производство во автомобилската индустрија и ефектите врз перформансите на вработените“ /„Analysis of personal noise exposure level in a manufacturing plant in the car industry and its effects on employees performance“ на кандидатката м-р Теодора Топчева. […]
Се закажува јавна одбрана на докторската дисертација со наслов „Орални промени кај пациенти на хроничен хемодијализен програм“ / „Oral Manifestations in Hemodialysis Patients“ на кандидатката Емилија Рамбабова. Јавната одбрана на докторската дисертација ќе се одржи на 11 март 2024 година, со почеток во 12 часот, во свечената сала на Кампус 2.
Се закажува јавна одбрана на докторската дисертација со наслов: „Исходи на мајката и детето-бременост и пост-партален тек кај пациентки заразени со SARS-CoV-2 вирусот“„ Maternal and child outcomes-pregnancy and postpartum course in patients infected with SARS – CoV-2 virus“, од Ромир Кадриу. Јавната одбрана на докторскиот труд ќе се одржи 19.02.2024г. со почеток во 11:00 часот […]
Се закажува јавна одбрана на докторската дисертација со наслов: „Развој на математички модели за дизајн на симетрични и асиметрични композитни делови“ „Development of mathematical models for the design of symmetric and asymmetric composite parts“, од Филип Кочоски. Јавната одбрана на докторскиот труд ќе се одржи 21.02.2024г. со почеток во 12:00 часот во Свечената сала на […]
Се известуваат заинтересираните студенти на трет циклус студии запишани на студиските програми од подрачјето на медицински науки и здравство дека ќе се одржат докторски семинари со физичко присуство. Докторските семинари ќе се одржат на 13.2.2024 г. (со почеток во 12:30 часот) и на 28.2.2024 г. (со почеток во 12:00 часот) во конференциската сала на Кампус […]