Во периодот од 10 до 12 февруари 2025 година, проф. д-р Лимонка Коцева-Лазарова од Факултетот за информатика и проф. д-р Елена Максимова од Правниот факултет, заедно со претставници од партнерските универзитети на Алијансата ACE²-EU беа дел од обуката „Комуникација во меѓународни проектни тимови и управување со проекти од програмата ERASMUS+ Клучна акција 2“, одржана на Медицинскиот универзитет во Гдањск, Полска.
Учесниците ги унапредија своите комуникациски компетенции, интеркултурната свест и практичните вештини за управување со Erasmus+ KA2 проекти.
Преку практични вежби и студии на случај тимовите имаа можност да вежбаат градење конзорциуми, дефинирање улоги, управување со тимска динамика, планирање активности и справување со неочекувани предизвици. Работилниците, исто така, овозможија простор за размена на искуства и добри практики, со што се зајакнува долгорочната соработка во рамките на Алијансата.
Финансиран од NAWA во рамките на проектот „Поддршка за европските универзитети“, овој настан покажува дека европската соработка функционира најдобро во пракса – интензивно, интерактивно и насочено кон конкретно влијание.
