Политехничкиот универзитет во Сантарем (Португалија), како дел од Европската универзитетска алијанса ACE²-EU, организира двочасовна онлајн обука наменета за академскиот кадар, насловена и фокусирана на развој на инклузивен пристап во наставата насочен кон студентите преку унапредување на стратегиите за образовна комуникација.
Обуката (од типот ALES) ќе се одржи на 27 ноември 2026 година, во периодот од 14:30 до 16:30 часот, целосно онлајн и во реално време (синхроно).
Целта на оваа обука е да им помогне на универзитетските наставници и соработници да креираат ефективни комуникациски стратегии кои директно го поттикнуваат процесот на учење. Преку колаборативни задачи, анализа на студии на случај и практични вежби базирани на реални сценарија, учесниците ќе работат на примена на алатки за активно учење и градење поинклузивна образовна средина.
По завршувањето на обуката, учесниците ќе стекнат вештини за анализа на влијанието на комуникацијата врз учењето, како и за избор и примена на соодветни наставни стратегии во реални или симулирани образовни ситуации. Обуката ќе ја водат предавачите Ана Лоуреиро и Инес Месијас од Политехничкиот универзитет во Сантарем.
Повикот е отворен за наставниот кадар, дизајнерите на настава и координаторите за е-учење од универзитетите-партнери во Алијансата ACE²-EU, вклучително и Универзитетот „Гоце Делчев“ – Штип. За учество е потребно познавање на англискиот јазик на ниво Б1–Б2. По успешното завршување на обуката, учесниците ќе добијат сертификат за учество (обуката не носи ЕКТС-кредити).
Заинтересираните кандидати можат да се пријават на следниов линк: Пријава за обуката.
Крајниот рок за поднесување на апликациите е 27 ноември 2026 година, до 12:00 часот. Примените кандидати ќе добијат линк за приклучување преку е-пошта.
За дополнителни информации, заинтересираните можат да се обратат директно до организаторите:
- Ана Лоуреиро: ana.loureiro@ese.ipsantarem.pt
- Инес Месијас: ines.messias@ese.ipsantarem.pt


