Ректорска управа

Ректорската управа на Универзитетот „Гоце Делчев“ е составена од Ректорот на Универзитетот, проректорите, деканите на факултетите, директорите на високите стручни школи и еден претставник на студентите од Универзитетско Студентско Собрание. Во работата на Ректорската управа учествува и генералниот секретар на Универзитетот, но тој нема право на одлучување. Ректорската управа ги извршува следните активности:

• Подготвува и предлага акти и материјали за прашања за кои одлучува Сенатот;
• Го утврдува и го објавува конкурсот за запишување на студиите од прв и втор циклус по претходна согласност од Владата на Република Македонија;
  Дава мислење за студиските програми на факултетите, односно високите стручни школи;
• Избира и разрешува генерален секретар на Универзитетот, на предлог на Ректорот;
• Донесува одлуки за тековната меѓународна соработка на Универзитетот;
• Го уредува издавањето дипломи и други документи за завршени студии на високото образование;
• Утврдува предлог за висината на кофинансирањето и партиципацијате на студентите на факултетите и високата стручна школа;
• Одлучува за издавачката дејност на Универзитетот и врши и други работи определени со Статутот на Универзитетот.