Универзитетот за применети науки од Коринтија, Австрија (Carinthia University of Applied Sciences), организира двочасовна онлајн работилница и курс од циклусот Active Learning e-Pedagogy Schools (ALES), наменета за академскиот кадар, дизајнерите на настава и образовните експерти. Курсот се организира од партнерскиот универзитет во рамките на ACE2EU алијансата.
Курсот ќе се одржи на 22 октомври 2026 година, во период од 15:00 до 17:00 часот.
Фокус и цел на обуката
Честопати неуспехот на онлајн наставата им се препишува на платформите или на ангажираноста на студентите. Сепак, главната причина за неефикасноста на онлајн курсевите најчесто лежи во педагошкиот пристап, а не во технологијата. Оваа интерактивна сесија е дизајнирана за дијагностицирање на предизвиците во онлајн опкружувањето и понуда на практични рамки за нивно надминување.
Учесниците ќе имаат можност да ги совладаат принципите на активно, искуствено и учење засновано на предизвици (active, experiential and challenge-based learning), со цел преобликување на предавањата од класично предавање содржини во интерактивна и колаборативна настава.
За кого е наменет курсот?
- Универзитетски наставен и научен кадар;
- Дизајнери на настава, координатори за е-учење и образовни експерти;
- Млади истражувачи кои преминуваат кон настава фокусирана на студентот.
По успешното завршување на сесијата, сите учесници ќе добијат сертификат за учество (Certificate of attendance).
Пријавување и информации
Пријавувањето се врши електронски преку следниот формулар за аплицирање.
- Краен рок за пријавување: 20 октомври 2026 година, до 12:00 часот (UTC+2).
- Сите прифатени учесници ќе добијат известување и директен линк за пристап до сесијата.
За дополнителни прашања и информации, заинтересираните можат да се обратат на следните е-пошта адреси: j.brown@fh-kaernten.at, e.knappitsch@fh-kaernten.at или joao.cabral@ese.ipsantarem.pt.
Повеќе информации на: https://www.ace2eu.eu/event/why-your-online-teaching-isnt-working-if-its-not-the-technology-what-is-it/
