Проф. д-р Сања Костадиновиќ-Величковска од Земјоделски факултет и проф. д-р Емилија Митева-Кацарски од Економски факултет при Универзитет „Гоце Делчев“ – Штип учествуваа со усна презентација со наслов „Functional wine: when science meets bioeconomy and creates health lifestyle“. Презентацијата беше претставена на „Discovery Mission, ACEploration session no. 2“, организирана од „ACE2-EU Alliance“, одржана во периодот 3-4 јули во Сантарем, Португалија. Посебен акцент беше ставен на биоекономија и екстракција на биоактивни компоненти од отпадот.
Целта на оваа презентација беше да се претстават можностите на Универзитетот „Гоце Делчев“ – Штип во насока на вмрежување со други универзитети од алијансата ACE²-EU.
Присутните покажаа значителен интерес за презентацијата и успешно се вмреживме со Instituto Politécnico de Santarém во Португалија и Universidad Francisco de Vitoria во Мадрид, Шпанија. Идните истражувања со овие два универзитети ќе придонесат за проширување на мрежата на алијансата и можност за вклучување на нови учесници од Универзитетот „Гоце Делчев“ – Штип.
