По повод одбележувањето на патрониот празник на Универзитетот „Гоце Делчев“ – Штип ќе се одржи Свечена академија со која ќе биде одбележан овој значаен ден за Универзитетот и неговата академска заедница.
Свечената академија ќе се реализира со пригодна уметничка и свечена програма, свечени обраќања и доделување признанија, во знак на почит кон вредностите, достигнувањата и континуираниот развој на Универзитетот „Гоце Делчев“ – Штип.
Ректорот на Универзитетот, проф. д-р Дејан Мираковски, упатува покана до академската заедница, институциите, соработниците и пријателите на Универзитетот да присуствуваат и заеднички да го одбележат патрониот празник.
Детали за настанот:
📅 Датум: 27 март 2026 година (петок)
🕚 Време: 11:00 часот
📍 Место: Мултимедијален центар на УГД (Економски факултет)
Свечената академија претставува традиционален настан со кој се одбележува патрониот празник на Универзитетот, при што се истакнуваат достигнувањата, посветеноста и придонесот на академската заедница во развојот на високото образование и науката.
