Во периодот од 22 до 24 септември 2026 година, доц. д-р Билјана Атанасова од Земјоделски факултет и м-р Мишко Милев од Факултет за медицински науки при учествуваа на ACE2-EU ARC Knowledge Creation Team Workshop #5 – „Green Circular Economy & Bio-Based Materials“, одржан во Lietuvos Inžinerijos kolegija (LIK) во Каунас, Литванија.
Работилницата обедини истражувачи од различни институции во рамките на Алијансата ACE2-EU, со цел размена на знаења и искуства, развивање на проектни идеи и создавање нови можности за меѓународна истражувачка соработка.
Во рамки на работилницата, доц. д-р Билјана Атанасова ја претстави својата проектна идеја „From agricultural by-products to sustainable crop protection solutions“, насочена кон искористување на земјоделските нуспроизводи за развој на одржливи решенија во заштитата на растенијата.
Додека пак м-р Мишко Милев имаше свое излагање на тема „Establishment of an Integrated Research Platform for Biological Safety and Genotoxicity Assessment of Innovative Bio-Based Materials“ со кој се предвидува создавање на платформа за тестирање на генотоксичност на биоматеријали.
За време на оваа тридневна работилница, учесниците имаа можност да ги унапредат своите проектни идеи, да работат на подготовка на проектни предлози и да стекнат практични знаења за критериумите за евалуација на Horizon Europe – Excellence, Impact and Implementation. Посебно внимание беше посветено и на можностите за меѓународна истражувачка соработка преку EUREKA проектите и COST Actions.
Учеството на доц. д-р Билјана Атанасова претставува значајна можност за презентирање на сопствени истражувачки идеи, меѓународно научно вмрежување и развивање нови партнерства за идни европски проектни иницијативи.
