Сите одговори за прашањата што можеби ги имате во врска со Студентскиот форум што ќе се одржи од 8 до 9 март во Скопје ќе може да ги пронајдете во оваа статија. Нагласуваме дека овој настан е еден од најважните за студентскиот активизам во Северна Македонија и се случува за прв пат. Затоа, ве покануваме да се пријавите за учество на овој настан со кликнување ТУКА.
Што?
Студентскиот форум е историски настан кој ги обединува претседателите на студентските собранија на универзитетите во едно „Национално тело на студентите“. Целта на Студентскиот форум би го засилила колективниот глас на студентите, завршувајќи ја праксата за посебна поединечна борба против исти предизвици. Учесниците на „Студентскиот форум“ играат клучна улога, со можноста да гласаат за водечките тела во „Националното тело на студентите“. Секој има можност да биде дел од овој трансформативен настан, користејќи го своето право на глас преку регистрирање на овој линк. Активисти од регионот ќе дискутираат за важни проблеми/предизвици, како што се: корупцијата во високото образование; студентскиот активизам, а и регионалниот образовен систем.
Зошто?
Интензивното следење на тренинзите за членовите на студентските собранија од универзитетите во Северна Македонија, одржани во Велес и во Охрид, како и присутноста на сличните предизвици, придонесе да се роди идејата за „Студентскиот форум“. Зошто – тоа е едноставно, но сепак моќно: сметаме дека со обединување и заедничко делување преку „Националното тело на студентите“ овие заеднички предизвици ќе бидат надминати. Настанот не само што го покажува врвот на нашите напори/заложби, туку и претставува платформа за студентите во Северна Македонија да добијат информации од регионални експерти и активисти. Со создавање на „Национално тело на студентите“ целиме кон децентрализација на борбата за студентските права и креираме едно движење за правата на студентите на национално ниво.
Кој?
КОЈ – тоа е едноставно: настанот е посветен на секој студент, без разлика на нивниот универзитет или каква било друга определба. Сите тела во „Националното тело на студенти“ ќе бидат гласани исклучително од студентите кои ќе присуствуваат на „Студентскиот форум“. Правото на глас и правото да се биде гласан/а е исклучиво за студенти. Дополнително со истакнување на својата историска природа, „Студентскиот форум“ им посакува топло добредојде за сите активисти кои се борат за студентските права.
Кога?
8-9 март се датумите на „Студентскиот форум“, означувајќи официјална прослава за месеците на подготовки, месеци на идеи и подготвувањето на студентските собранија. Додека почетната работа и тренинзите започнаа месеци порано, овие датуми стојат како кулминација на сето тоа, обезбедувајќи платформа за заедничко препознавање на напорите и успесите постигнати со студентските собранија и активистите за студентските права. Зачувајте го датумот и бидете дел од оваа величествена пригода, 8-9 март!
Каде?
Главните настани на 8-9 март ќе бидат одржани во МКЦ (Младински културен центар – Скопје). Сепак, идните активности и функционирање на „Националното тело на студентите“ ќе биде во простор определен од избраното раководство на НТС, пристапно за сите студенти од семејства.
Овој проект е спроведен од Форумот за промени во образованието и поддржан од National Endowment for Democracy (NED). Ве потсетуваме дека можете да се регистрирате со кликнување ТУКА.
